የኢንተርፕራይዞች ግዴታ ፡-

1. በተዋዋሉት ውል መሰረት የመስሪያ ቦታ ኪራይ ክፍያ በወቅቱ መፈፀም፣
2. በግልም ሆነ በጋራ ለተጠቀሙበት የመብራት፣የውሃ፣ የጥበቃ እና ሌሎች የጋራ አገልግሎቶች ክፍያ በወቅቱ መፈጸም፣
3. በግቢው ውስጥ በሚከናወኑ ልማት ፣ ጽዳትና ውበት ስራዎች ላይ የመሳተፍ እንዲሁም የጋራ መገልገያ ንብረቶችን በንጽህና የመያዝ እና መጠበቅ፣
4. የመስሪያ ቦታውን ለታለመለት ዓላማ እና ውል ለገባበት ተግባር ብቻ ማዋል፣
5. በመስሪያ ቦታ ይዞታ ውስጥ ምንም ዓይነት ህገ-ወጥ ግንባታ አለመገንባትናከተፈቀደላቸው የመስሪያ ቦታ ውጭ ቦታ አስፋፍቶ መያዝ የለበትም፡፡
6. ስለመስሪያ ቦታው አጠቃቀምና አጠቃላይ የስራ እንቅስቃሴ ለሚያስተዳድረው አካል መረጃ መስጠት አለበት፡፡
7. እሳትን ሊያስነሱና የተገልጋዮችን ጤናና ሰላምን ሊያውኩ የሚችሉ ወይም የአከባቢ ብክለትን ሊያመጡ የሚችሉ ተግባራት እንዳይፈጸሙ መከላከል እንዲሁም አነስተኛ የእሳት አደጋ መከላከያ በመስሪያ ቦታው ውስጥ በግልጽ ቦታ ማስቀመጥ አለበት፡፡
8. ማንኛውም የመስሪያ ቦታ ተጠቃሚ ኢንተርፕራይዝ ቦታውን ለቆ እንዲወጣ ሲወሰንበ በሰላሳ የስራ ቀን ውስጥ ለቆ መውጣት አለበት፡፡
9. ማንኛውም ኢንተርፕራይዝ የመስሪያ ቦታውን ለቆ ሲወጣ ከቦታው ጋር ተያያዥነት ያላቸው ግዴታዎችን የመወጣት ኃላፊነት አለበት፡፡
10. ኢንተርፕራይዙ የሚሰራዉን የስራ ዘርፍ የሚገልጽና የአባላቱን ፎቶ ግራፍ የሚያሳይ ባነር በመስሪያ ቦታው ግልጽ በሆነ ሥፍራ ማስቀመጥ አለበት፡፡
11. የንግድ ስራ ፈቃድ ፣ ንግድ ምዝገባ ፣ የግብር ከፋይነት መለያ ቁጥር ሰነዶች በመስሪያ ቦታው ማስቀመጥ አለበት፡፡
12. የመስሪያ ቦታ ተጠቃሚ የሆነ አንድ ኢንተርፕራይዝ በተሰጠው የመስሪያ ቦታ በተሟላ አባላት መስራት አለበት፡፡
13. ማንኛውም የመስሪያ ቦታ ተጠቃሚ የሆነ ኢንተርፕራይዝ የአባላቱ ብዛት ከ50% በታች ሲሆኑ ለአደራጃቸው አካል ሪፖርት በማድረግ የጎደሉ አባላትን ማሟላት ይጠበቅበታል፡፡ ይህን ማድረግ ካልቻለ ውሉ በማቋረጥ የመስሪያ ቦታውን ለሰጠው አካል በሁለት ወር ጊዜ ውስጥ የማስረከብ ግዴታ አለበት፡፡
14. ማንኛውም የመስሪያ ቦታ ተጠቃሚ የሆነ ኢንተርፕራይዝ ቦታውን ከተረከበባት ዓላማ ውጪ እንደ አደንዛዥ ህጽ ያሉ በህግ የተከላከሉ ተግባራትን በቦታው ላይ መሸጥም ሆነ መጠቀም በጥብቅ የተከለከለ በመሆኑ ይህን የመጠበቅ ጊዴት አለበት፡፡
15. የክላስተር ማዕከላት በክላስተር ፅንስ ሐሳብ መሰረት ደግሞ ሲደራጁ የመተባበር ግዴታ አለባቸው፡፡